Homenaxe a Agustín Fernández Paz no IES Laxeiro

Sabemos a través do blogue Biblio Laxeiro da homenaxe que están a realizar a Agustín Fernández Paz. Premede aquí se queredes coñecer os booktrailers sobre a súa obra realizados polo alumnado deste centro.

Alejandro Palomas: Un hijo

 Todo empezó el día que la señorita Sonia preguntó una cosa. En las ventanas había un sol amarillo muy grande y las hojas de las palmeras se movían como cuando papá se despierta temprano y me dice adiós con la mano en la puerta del cole, y como es invierno lleva puestos los guantes verdes.

Alejandro Palomas, Un hijo

Alejandro Palomas  recibiu o Premio Nacional de Literatura Infantil y Juvenil  pola súa novela Un fill, publicada simultaneamente en marzo de 2015 en catalán e castelán.  

A casa do medo

Coñecemos grazas ao blogue Rede Lectura a publicación dunha obra póstuma de Agustín Fernández Paz: A casa do medo.

Premios San Clemente

O Premio San Clemente, organizado polo IES Rosalía de Castro de Santiago de Compostela, ten un xurado moi especial: o alumnado de bacharelato. Este ano os galardoados foron:

• Premio en lingua estranxeira: Pierre Lemaitre por Irène.
• Premio en Lingua Castelá: Sara Mesa por Cicatriz.
• Premio en Lingua Galega: Xabier Quiroga por Izam o da saca.

Para saber máis:

• Premio San Clemente.

Lembrando a Roald Dahl

O pasado 13 de setembro cumpríronse cen anos do nacemento do escritor Roald Dahl. Clara xa nos  recomendou neste blogue a lectura das súas obras coma podedes ver premendo aquí. E tamén no noso antigo blogue foi unha figura moi presente.  

Para saber máis:

• "Roald Dahl y la fábrica de cuentos" en El árbol rojo. Revista de literatura infantil y juvenil.
• Roald Dahl. Web oficial.

Premio para Miguelanxo Prado

Miguelanxo Prado, un dos autores de banda deseñada preferidos no club, vén de recibir o Premio Melhor Álbum de Autor Estrangeiro no Festival de Banda Desenhada de Amadora (Portugal). Parabéns!

Bibliotízate

O Observatorio da Lectura e do Libro pon en marcha a campaña Bibliotízate, que se poderá seguir en Twitter desde o día 19 ata o día 24 de outubro co hashtag #bibliotízate, para celebrar o Día da Biblioteca.

Feliz Día da Biblioteca!

Un monstro vén a verme

Atopamos en Rede Lectura unha nova de interese: a publicación en galego da novela Un monstro vén a verme de Patrick Ness. Por certo, coma xa moitos e moitas sabedes, vén de estrearse a película (dirixada por Juan Antonio Bayona) baseada na novela.

• Reseña do libro en galego na web de Kalandraka.
• Reseña do libro en castelán en Canal Lector.

Biblioteca e arte

Biblioteca escolar - Territorio da arte é  o lema escollido para os materiais destinados ás bibliotecas escolares que a Consellería de Cultura, Educación e Ordenación Universitaria edita a comezo do curso 2016/2017. 

Por certo, en Rede Lectura atopamos catro libros sobre arte ben interesantes: O armiño dorme de Xosé Neira Cruz, Fantasmas de luz de Agustín Fernández Paz, O pintor do sombreiro de malvas de Marcos Calveiro e Reo de Xesús Fraga.

E por certo: benvidas e benvidos ao club de lectura un curso máis.

Escarlatina...

Ledicia Costas recibiu o Premio dos Clubs de Lectura 2016 o pasado venres. Nós queremos aproveitar a ocasión para lembrar un dos seus libros: Escarlatina, a cociñeira defunta. Por iso vos queremos deixar un vídeo moi especial no que ademais se pode aprender a facer unha gorentosa empanada de mexillóns.

               

Vídeo atopado aquí.

Máis sobre Agustín Fernández Paz

Hoxe queremos deixar uns cantos enlaces sobre a obra de Agustín Fernández Paz para os que estades interesados nesta.

• Web Agustín Fernández Paz: entrevistas, novas, reseñas, etc.
• "Agustín Fernández Paz", Premio dos Clubs de Lectura 2015.
• Entrevista na revista dixital de LIX La página escrita. 
• O noso taboleiro en Pinterest sobre Agustín Fernández Paz.  

Unha biblioteca para Agustín

Unha biblioteca é unha luz

Agustín Fernández Paz 

 

A biblioteca do IES Basanta Silva vén de recibir o nome do coñecido escritor Agustín Fernández Paz tal e coma podemos ler no seu blogue.

Créditos da fotografía aquí.

Premios Xerais 2016

"A emoción da lectura. Velaí a maxia. Acababa de atopar o mapa de todas as constelacións no mundo." 

Ledicia Costas

O pasado sábado 4 de xuño déronse a coñecer, nunha gala celebrada na Illa de San Simón, os gañadores dos Premios Xerais 2016:

• Premio Xerais de Novela: Manuel Esteban coa novela A ira dos mansos.
• Premio Jules Verne de literatura xuvenil: Iria Misa con Xa non estou aquí.
• Premio Merlín de Literatura Infantil: David Pérez Iglesias con Todo o tempo do mundo.

Parabéns aos premiados!
Para saber máis:

• "Premios Xerais 2016" en Rede Lectura.
• Todas as constelacións do mundo. Discurso pronunciado por Ledicia Costas con motivo da celebración do ditame dos XXXIII Premios Xerais.

Chocolate e poesía

Este xoves os membros do club de lectura compartiremos poemas e bombóns no recreo.

O poema

Un poema é un ser vivo que anda,
respira, soña, chora, salouca,
ama, berra, cintila, escurece,
cala, aborrece a mentira,
sente odio e tenrura, desángrase,
fala de intimidade a intimidade
coas cousas e coa xente, suxere
mundos posíbeis e imposíbeis,
sua, cansa, sofre sede e fame,
adoece, agoniza. E nunca morre.

Manuel María, A luz resuscitada

I Gala do Libro Galego

O que se reivindica tamén no libro é a libraría como lugar humano porque aí hai memoria, emoción, hai esa mediación entre o libro e as persoas.

Manuel Rivas

O pasado sábado celebrouse no Teatro Principal en Santiago de Compostela a I Gala do Libro Galego. Entre os premiados figura Manuel Rivas pola súa novela O último día de Terranova.

Para coñecer os outros premiados preme aquí.

Día das Letras 2016: Manuel María

SEMPRE a rosa. Sempre:
a forma,
a cor,
o recendo,
a luz,
a perfección da rosa.
Prefiro a rosa vermella.
E amo a rosa branca
porque, cando lle digo
simplesmentes: ROSA,
entrecerra os ollos,
treme
e ruborece.

Manuel María

Este ano, coma todas e todos xa sabedes, dedícaselle o Día das Letras Galegas a Manuel María. No noso blogue Bibliosansa podedes atopar algúns dos seus libros comentados. 

 

Cartas de inverno: a novela gráfica

Antonio Seijas recreou a popular novela de Fernández Paz nunha novela gráfica titulada, coma non podía ser doutra maneira, Cartas de inverno.
Así que xa sabes, se queres coñecer doutra maneira a historia de Xabier, Adrián e Tareixa este é o teu cómic.

• Entrevista con Antonio Seijas na TVG.

Fontán

Hai xa unha temporadiña comentamos no blogue Bibliosansa a chegada á nosa biblioteca do libro de Marcos Calveiro sobre a figura do matemático e topógrafo Domingo Fontán nacido na Porta do Conde, concello de Portas, no 1788. Ademais dáse a circunstancia de que este ano  o alumnado de 3º e 4º de ESO participa nun intercambio epistolar co alumnado do CPI do seu concello natal co que nos reunimos o 21 de abril.

Para saber máis:

• Fontán na nosa aula virtual. 
• "Chus Nogueira fala de Fontán de Marcos Calveiro" en Diario Cultural (Radio Galega).

La casa de los espíritus

Leyendo estos últimos, yo me he dado cuenta [de] que existe una realidad palpable sobre la cual se injerta otra realidad, creada por la imaginación, y que se envuelve de tantos detalles que llega a ser tan ‘real’ como la otra.

Miguel Ángel Asturias

La casa de los espíritus é o título da primeira novela da escritora chilena Isabel Allende. A novela, publicada en 1982, converteuse rapidamente nun superventas internacional e foi levada ao cine polo director Bille August en 1993.

A novela narra a historia de catro xeracións da familia Trueba cunha hábil mestura de realidade e fantasía, pois non en van se inclúe dentro do realismo máxico.

El curioso mundo de Calpurnia Tate

Callie, la narradora sincera e intrépida, es tan “lista como un árbol abarrotado de búhos” y no piensa desistir de su sueño de ser veterinaria ni de cualquier otra idea que se le ponga entre ceja y ceja.

Historical Fiction

Calpurnia Tate, máis coñecida coma Callie Vee, é unha das máis fascinantes personaxes da LIX dos últimos anos. Esta curiosa e intrépida texana segue decidida a converterse en naturalista e continuar perfeccionando os estudos de ciencia con seu avó no ano que vai comezar: o 1900. Callie presente que ese novo ano vai a ser moi especial:

«Entre el alboroto, la efervescencia y la solemnidad del gran acontecimiento, sentí que me hallaba al borde de un futuro espléndido en el nuevo siglo y que mi decimotercer año sería mágico».

Ledicia Costas: Premio dos Clubs de Lectura 2016

Ledicia Costas vén de acadar o Premio dos Clubs de Lectura 2016 segundo podemos ler na  na  Resolución do 23 de abril da Dirección Xeral de Centros e Recursos Humanos pola que se recoñece a autora ou o autor galego  máis lido polos clubs de lectura de ámbito educativo.

Os títulos máis lidos de Ledicia o pasado curso nos clubs de lectura foron: O corazón de Xúpiter, Escarlatina, a cociñeira defunta e Unha estrela no vento. 

Cartas de inverno

E coma ao noso grupo nos gustou Avenida do parque, 17 continuamos con outra das novelas de Agustín Fernández Paz que rematamos de ler xa hai unha temporadiña: Cartas de inverno. Unha historia de terrror psicolóxico que nos conta coma un pintor, Adrián,  compra unha casa encantada na que empezan a suceder estraños acontecementos... 

O misterio é un dos compoñentes fundamentais da narrativa do escritor vilalbés tal e coma nos indica Montse Pena Presas:

Mas la base narrativa de la que parte está firmemente anclada en la realidad, como si sus ficciones comenzasen en la tentativa de abordar historias que le ocurren a gente normal, que incluso podríamos ser nosotros. Sus escenarios son realistas (aunque en ocasiones acaban por transformarse en fantásticos), acostumbran a ser localizaciones concretas y contar con su nombre verdadero o con un pseudónimo que, sin embargo, invita a identificarlas. Pese a esta primera atmósfera de aparente tranquilidad, desde las primeras líneas el autor consigue que el lector intuya (a través de prolepsis, creación de situaciones tensas y comentarios de la voz narrativa) que algo importante, tan maravilloso como extraño, va a suceder. (...)

Pero lo seguro es que ese hecho diferente se erige en el leitmotiv que conduce la obra, en el elemento que guía a un receptor que, desde ahí, ya solamente anhela conocer el final de la historia. Un final que, especialmente en su producción juvenil, acostumbra a ser abierto, incierto, tal vez problemático, enseñando de manera indirecta que, a veces, la vida está llena de sucesos inexplicables y es un ovillo confuso que hay que intentar desenrollar.

El asesinato del profesor de matemáticas

As lectoras desta novela de Jordi Sierra i Fabra veñen de rematar a lectura e de concordar en que esta foi gratificante, xa que combina a intriga cos enigmas matemáticos e está narrada de forma áxil e entretida.

Para saber máis:

• El asesinato del profesor de matemáticas en Aula de pensamiento matemático.

Os planetas do Principiño

O alumnado do club de lectura "Muchachada lectora" do CPI da Cañiza realizou uns sorprendentes planetas e asteroides despois da lectura do clásico de Saint-Exupéry. Premede aquí se queredes velos.

O Principiño

Velaí o meu segredo. É ben simple: só se pode ver ben co corazón. O esencial é invisible para os ollos.

Saint-Exúpery,  O principiño 

O principiño a novela que o escritor e aviador francés Antoine de Saint-Exúpery publicou en 1943 é sen lugar a dúbidas un dos clásicos do século XX.
Estes son algúns enlaces de interese sobre esta:

• Frases celebres da novela en wikiquote.
• "Los mandamientos de El Principito" en El Mundo (6-4-2013)
• "A versión galega de O Principiño chega á súa vixésima edición" en La Voz de Galicia (25-1-2013).
•  "El Principito cumple 70 años" en RFI (Radio Francia Internacional).

                 
Vídeo atopado aquí.

Avenida do parque 17

Xa hai un tempiño que rematamos de ler esta novela de Agustín Fernández Paz, pero aínda nos lembramos dela: do misterio, da casa encantada, da pantasma, do ordenador...

Os libros máis lidos nos clubs de lectura o pasado curso

Queredes saber cales son autores e os libros máis lidos nos clubs de lectura das bibliotecas escolares galegas no pasado curso? Pois atopámolos no blogue Ler en mancomún.

En  canto aos libros: